Тайыр Жароков

Ән салсам

Бұл бетте «Ән салсам» атты Тайыр Жароков жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

11.07.2022
0
0
826

Қырымда тұрып ән салсам
Кремльге жеткізем,
Кремльден ән салсам
Бүкіл елге жеткізем.
Бүкіл елге жеткен ән
Аузында халқымның,
Халқым тәтті ән тілеген
Нақысындай алтынның.
Алатаудан ән салсам
Аспаныңа жеткізем,
Алты қабат аспанның
Астарынан өткізем.
Аспанға алыс жеткен ән
Аузында ерлердің,
Асқарлай ұшып аспаннан
Самолетке мінгеннің.
Каспийде тұрып ән салсам
Жеткіземін Балтыққа,
Балтықтан тұрып ән салсам
Жеткізем мұзды Мұхитқа.
Мұз Мұхиттан жеткен ән
Құйылады ұстап бұлаққа.
Шырқалған ол ән отаннан
Арналған қызыл флотқа.

1937

Тайыр Жароков ән салсам Тайыр Жароков өлеңдері

Пікірлер (0)

Пікір қалдырыңыз

Жиі қойылатын сұрақтар