Өлең, жыр, ақындар

Құрметті легион жұлдызы

  • 21.07.2022
  • 0
  • 0
  • 524
I
Құйдың ерлік жұлдызы
Сәулеңді ер адамға,
Миллион жан өзіңді
Сүйіп, кірді майданға;
Туған жұлдыз көгінде
Неге өшеді жерінде?

II
Сәулең өшпес жануда,
Сонда тұр ер жаны да,
Даңқты зор батырлық
Жырыңда да жатыр нық,
Ерлік көздің отынан
Жерде жалын атылған.

III
Қызыл-жоса тасқының
Басты патша асқынын,
Қаһарыңмен қанша мың
Қалтыраттың жер шарын,
Буырқансаң бір өзің
Бүркей алдың күн көзін.

IV
Сен ашуға басқанда:
Кемпірқосақ аспанда
Шығады бір жұлқынып,
Өтті реңі құлпырып!
Еркіндіктің құдайы
Оны өшпес деп ұғады!

V
Онда алқызыл күн жүзі,
Әм періште нұр көзі,
Және ақшыл ауаның
Мың құлпырған бояуын
Көрем, сұлу үш бояу, –
Кемпірқосақ үш тарау...

VI
Сөндің ерлік жұлдызы!
Күңгірт тартты көк жүзі...
Жету үшін таңға шын,
Кім төкпейді көз жасын?
Жаныңда жұлдыз жанбаса, –
Тірлігің құр далбаса.

VII
Еркіндікке қуана
Тебіренер аруақ мола да,
Еркіндікке құмартып
Жорықта өлген ер артық!
Жарқырап әлі-ақ жұлдызым
Жанарсың үсте сен біздің.



Пікірлер (0)

Пікір қалдырыңыз

Кремльдің төрінде

  • 0
  • 0

Қызыл тулы таң атқызған
Халық аңсаған өмірге,
Жаңа жиһан жаратқызған
Кемеңгерге — Ленинге —

Толық

Жыр көмей

  • 0
  • 0

Жыр көмей, жез таңдайлы, қоқыраулы
Сырнайдай сыңғырлата қоңыр әнді
Тойда ақын, ұлан асыр, шырқамас иә,
Айқара ашып тастап омырауды!

Толық

Тұтқын

  • 0
  • 0

Ашшы менің түнімді
Берші жарық күнімді,
Қара жал жүйрік атпенен,
Қара көз бұраң сұлуды!

Толық

Қарап көріңіз