Бозбаланың сөзі – Гүлмекен Қасенбай

Бозбаланың сөзі

Арланға түсер қыранмын,
Айқассам жеңер ұланмын.
Дұшпанның құтын қашырар,
Алаш - деп айтқан ұраным!

Тектілігіммен биікпін,
Ақ берен сауыт киіппін.
Ер тұлғалы бөрімін,
Арулар аңсар жігітпін.

Ақ некені қиыппын,
Адалдап жарды сүйіппін.
Ел үшін атқа мінетін,
Алмастай өткір қылышпын!

Иманымменен адалмын,
Адалдан табыс табармы.
Өркендеуі үшін елімнің,
Білімнің нәрін алармын.

Дамуы үшін қаламның,
Тыныштығы үшін даламны.
Үйренем күні-түнімен,
Қыр-сырын мынау ғаламның.

Айналдым сенен қазағым,
Өзің деп жырды жазамын.
Қабыл болса екен тілегің,
Тарқамаса екен базарың!