Өлең, жыр, ақындар

Міне көл

  • 23.07.2022
  • 0
  • 0
  • 7358
Көлің міне,
Күндіз, түні
Мың түрлі әнмен шулайды.
Кейде тынық,
Кейде күліп,
Кейде ашумен тулайды.
Шалқар көлім!
Жібек жерің
Беттен шөп-шөп сүйе ме?
Кейде жайқап,
Кейде шайқап
Тентек шіркін тие ме?
Айнала ұшып,
Қайта түсіп,
Қалың құсың ойнайды.
Қанат жуып,
Көбік қуып,
Суға шомып бойлайды.
Бойлайды да,
Ойнайды да,
Дөңгеленіп билейді.
Қосып бірге,
Әрбір түрге
Әсем күйін күйлейді.
Күйің жырлы,
Сансыз сырлы,
Құбылады мың түрлі.
Торғын буың,
Күміс суың,
Суда сұлу аққуың.
Әсем әнің,
Көркем сәнің
Көңілді айна ашпай ма?
Жұмсақ демің
Дертке емің,
Қасірет болса баспай ма?

1925 жыл.



Пікірлер (0)

Пікір қалдырыңыз

Жазғытұры

  • 0
  • 0

Кеш. Ымырт. Таудың іші... жазғытұры,
Құлпырды шыққа оранып ойы, қыры.
Тәніне құлпырған ақ перде жапқан
Сұлудай тау менен тас жердің түрі.

Толық

Қазақстан он бір жасқа толғанда

  • 0
  • 0

Қазақстан социалдық
Республика болғалы, —
Октябрьдің төрті күні,
Он бір жасқа толғаны.

Толық

Анамның хаты

  • 0
  • 0

Байғұс ана хат жазыпты,
Депті «балам сағындым»,
Ұмыттың ғой бізді тіпті,
Бір келмедің неғылдым?

Толық

Қарап көріңіз