Өлең, жыр, ақындар

Ақан сері

  • 26.07.2022
  • 0
  • 0
  • 3436
...Тағы да үздік шыққан одан бері,
Зарланған «сырлы мінез» Ақан сері.
Зарлы әнмен, көркем күймен, сырлы өл
Шарықтап өрлеп көкке шыққан шері.
Әнінен исініп жұрт таң болатын,
«Түскен деп әнін тыңдап көктен пері».
Жатқа алып қыз-бозбала құмарланып,
Жайылған Сарыарқаға «Құлагері».
Құбылған әні көркем гауһар түрлі,
Күйлеген нәзік сезім «жұмбақ» жырлы,
Махаббат, қасіретін күй ғып шерткен,
Әндері, өлеңдері нәзік сырлы.
ЬІрғалтып шырқағанда көркем әнін,
Келтіріп нәзік нақыс әннің сәнін.
Әндері «Сырымбет» пен «Үш тоты құс»
Елтіткен тыңдаушының жан мен тәнін.
Шырқайды Ақан әнін ой мен қырда,
Жайылған қазақ түгіл, қыр мен сырға.
Ақанның «Сырымбетін» башқұрт қызы
Ырғалтқан Мәскеуде үлкен театрда.
Мәскеуге көрнекке жұрт барысқанда,
Әр жақтың бар өнері жарысқанда,
Әр елдің әншілері театрда
Әндерін көп алдында салысқанда.
Көпшілік талай әнге онша бақпай,
Отырған талай әннің бірі жақпай.
Салғанда Ақан әнін башқұрт қызы,
Әлеумет тыңдай қалған кірпік қақпай.
Сол сында Ақан әні пар іздеді...
Көлдегі аққу әні тәрізді еді.
Ақанның «Үш тоты» мен «Сырымбетін»,
Таңқалған естігенде Парижде де.



Пікірлер (0)

Пікір қалдырыңыз

Біздің колхоз

  • 0
  • 0

Біздің колхоз
Түгел дайын,
Күш күтеді
Күннің райын,

Толық

Ленин кетті

  • 0
  • 0

Жау бар ма еді
Оған оғын атпаған?
Ащы тұрмыс
Қай уын ол татпаған?..

Толық

Маржан

  • 0
  • 1

Маржан, Маржан, қарағым!
Күлімдейді қабағың.
Түріліпті балағың,
Жалаңаш балғын балтырың,

Толық

Қарап көріңіз