Өлең, жыр, ақындар

Тоқу фабригінде

  • 26.07.2022
  • 0
  • 0
  • 1613
(Дөңгелек күйіне)

Бу машина
Құрыш шойын
Қыздырады
Думан тойын,
Бу қайнатад
Салып ойын...
Биік-биік
Қара мойын,
Көкке тіп-тік
Созған бойын...
Түтін көкке
Ұшады өктеп,
Будақ-будақ
Түйіле.
Машина дүрс,
Ыңқылдайды,
Ыңқыл емес,
Сыңқылдайды.
Сөйлеп ың-жың,
Жымпылдайды:
Мың қызық тіл
Мыңқылдайды.
Темір түйін
Бұлтылдайды..
Фабриктің
Көзім тіктім
Думан-дүкен үйіне.
Машинаға
Күштетеді.
Аласұртып
Тістетеді.
Адам ісін
Істетеді
Үсті-үстіне
Үстетеді.
Шеберлетіп
Түстетеді.
Өңкей шебер,
Еңбек жебер
Кіл көк жейде киіне.
Машинаның
Кетіктерін,
Көздеп шебер
Жетіктері
Көк темірден
Бұйырады.
Тұтқасын нық
Шиырады,
Тек өзіне
«Сыйынады».
Нағыз шын ер,
Көнбегендер
Капиталдың иіне.
Қатар-қатар
Ұршықтары
Зырылдайды.
Тұмсықтары
Бұлтылдап жіп,
Бұлшықтары,
Үзбей қыл жіп
Қылыштарын,
Ширатады
Шымшып қана.
Ерсі-қарсы,
Шапқан маршы,
Қызығамын биіне.
Машиналар
Тоқиды өрмек.
Биязылап
Нәзік өрнек,
Асығады,
Шапшаң тербеп,
Сарт-сұрт шауып
Арқау жүрмек,
Тынбай жүйткіп
Тоқи бермек.
Өнерлі еңбек
Бәрін жеңбек...
Боламын шат сүйіне,
Өрмек жібі
Ұзақ — шұбыр
Сумаңда тез,
Жүгір, жүгір
Тоқушылар
Қыбыр — қыбыр...
Машина әні
Қызық сыбыр,
Күй қосылған
Сөзден дыбыр...
Көңіл тасып
Алшаң басып,
Мас боламын күйіне.
Шу машина
Үдей күште!
Үсті-үстіне
Жүк ал үсте!
Берік тоқы,
Шебер істе,
Бесжылдықты
Бітір үште!
Күндік істі
Бітір түсте.
Күшті бүкпе,
Тегістікке
Адымыңды жиіле!

1929 жыл



Пікірлер (0)

Пікір қалдырыңыз

Қайғылы хабар

  • 0
  • 0

Ойпыр-ай! Жайша соққан бұ не хабар?!
Дүниеден Ленин кетті...
қайтпас сапар.
Селк етіп еңбекші тап күңіреніп,

Толық

Толқын

  • 0
  • 0

Сұрапыл соққан күңіреніп,
Көл толқыны басылар;
Тітіреп дүмпіп жарылған
Жер толқыны басылар;

Толық

Біздің тұрмыс – отарба

  • 0
  • 1

Бар адамзат тынбай жортқан құмырсқа,
Көрінсе де шіркін өмір тым қысқа.
Түсі күрең, ісі ерен,
Ұқсас көрем.

Толық

Қарап көріңіз