Сәкен Сейфуллин

Жазғы егіске

Бұл бетте «Жазғы егіске» атты Сәкен Сейфуллин жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

28.07.2022
0
0
3059

Жер де, көк те
Жазбенен мәз.
Сыңқылдайды
Аққу мен қаз.
Гүл шашады,
Күледі жаз —
Жас сұлудай оянған.
Жаздың сұлу
Күй мен сәні,
Күш тасытар
Мың түрлі әні.
Шын жас сұлу —
Шырай емес боянған.
Жер де, көк те
Жазбенен мәз...
Саңқылдайды
Аққу мен қаз.
Большевиктік
Екінші жаз —
Шақырады егіске.
Бұл егістік, —
Қазіргі ұлы іс.
Болмасын бір
Қарап тұрыс.
«Темір айғыр»
Жасыл құрыш
Үзбей шықсын жегіске.
«Темір құждар»
Тізбек-тізбек,
Болмай ешбір
Тізбекті үзбек.
Болмай іссіз
Күнді өткізбек
Шықсын қаптап тегіске.
Лек-лек темір
Айғыр жексең,
Жер қыртысын
Қылып жексен,
Мың-мың батпан
Тұқым сепсең —
Қаулар бидай, мақтасы.
«Темір айғыр»
Жасыл құрыш,
Сап-сап қатар
Салсын жүріс.
Еңбекшіге
Үлкен ырыс,
Міндетті ісін ақтасын!..

1931 жыл

Сәкен Сейфуллин жазғы егіске Сәкен Сейфуллин өлеңдері

Пікірлер (0)

Пікір қалдырыңыз

Жиі қойылатын сұрақтар