Өлең, жыр, ақындар

Біздің колхоз

  • 28.07.2022
  • 0
  • 0
  • 1625
(Үржар, «Тегісшілік» колхозында)

Біздің колхоз
Түгел дайын,
Күш күтеді
Күннің райын,
Екпінді алмақ
Науқан айын,
Құрал тегіс сайланған.
Көк машина —
Соқа, мала,
Тіліп тыңды
Сара-сара,
Талқан қылмақ.
Дала-дала, —
Қылш-қылш жүз қайралған.
Ертең дала
Күйге батар,
Қиырды ертең
Шуылдатар.
Машиналар
Қатар-қатар —
Барлық бенті майланған.
Көлік тасты
Жеміргендей,
Елік майға
Семіргендей,
Тізелерін
Кеміргендей
Жемге қатар байланған.
Бар күш іске
Қанат қомдап,
Майданға әзір
Бетін оңдап,
Біленгендей
Күшін сомдап,
Жатқан зат жоқ бетімен.
Екпін өтсін
3-ші егіс
Ұран «арта
Тұқым себіс»,
Колхоз әзір
Іске тегіс —
Бригада ретімен.
Бізге жоспар:
«Сонша жер ек»
Жоспарды ерте
Жайлау керек,
Әр қос алған
Жоспар керек,
Егістің әр бөлігін.
Әрбір қосқа
Белгіленген,
Жауапты етіп
Қылған шеген,
Өзіңдей күт
Оны деген,
Машина eгic көлігін.
Колхоз ісін
Өркендетпек.
Мың сан бөгет
Болса да өтпек,
Алдыңғыларға
тез жетпек, —
Салады ісін бәйгіге.
Колхоз күтеді
Команда үнді,
Егіске ә деп
Шығар күнді,
Түгел әзір
Айқын сынды
Социалды бәйгеге.

1931 жыл



Пікірлер (0)

Пікір қалдырыңыз

Қызыл ерлер

  • 0
  • 0

Патшалар, байлар, мырзалар,
Көп жыл бізді билеген.
Шіреніп жатып ақ үйде
Табанымен илеген.

Толық

Кім жауапкер, жолдас?

  • 0
  • 0

Әлі елді жалмап жүр
Бұрынғы жауыз залымдар.
Болыс, тілмаш, манап болған,
Бұрын жұртқа мәлімдер.

Толық

Інішегіме

  • 0
  • 0

Ойынды қой, оқы, інішегім, алға бас!
Жарқыратып ақ нұрменен көңілді аш.
Балалыққа жас миыңды алдатпа,
Ғылым үйрен, нұрға толсын кеудең жас.

Толық

Қарап көріңіз