Өлең, жыр, ақындар

Айт күні

  • 29.07.2022
  • 0
  • 0
  • 1930
Тоқшылық бүгінгі күн берекелі,
Көңілді ойын-күлкі мерекелі.
Әр адам өз әлінше айт қылып жүр,
Дүниенің сезілгендей кең екені.
Талғамай жақсы-жаман, кәрі-жасын,
Бай-кедей, бөтен-жақын ayылдасын.
Әр мүһмин күтетін күн келгендерді
Құрметпен алдарына жайыпасын.
Жiгіттер қатар түзеп, сәндік құрып,
Айттайтын күн жиналып бірге жүріп.
Аралап әр ауылдан көкпар алып,
Аттары екіленіп аласұрып.
Аттарын секеңдетіп кейбір жастар,
Жұлынып кейбір аттар алып қашар.
Елеңдеп кейбір аттар сау аяңдап,
Keй аттар алды-артынан ақсап басар.
Болған соң айт асымен аузын ашып,
Жиылып қыз-келіншек хабарласып,
Олар да айттайтын күн әр ауылды
Тізіліп, қайтқан қаздай дуылдасып.
Бұлғақтап үкілері бастарында,
Сылдырлап шолпылары шаштарында,
Судырлап шөпті сипап етектері,
Шүпірлеп уақ қыздар қастарында.
Жүгірер қуанысып балалар да,
Ойнаған лақ-қозыдай биік жарда.
Асыр сап құлындары сүтке тойған
Тайлардай енелерін емген арда.



Пікірлер (0)

Пікір қалдырыңыз

Туған жерім – өз елім

  • 0
  • 10

Қайғы ойлаттың естен кетпей туған жер,
Қаны қашты, әм сарғайды ет пен тер.
Сені ойласам ішім күйер қапа боп,
Жүрегімде түйіншектей қайғы шер.

Толық

Алтын күз

  • 0
  • 4

Алтын күз бірде шуақ, бірде салқын,
Жер мен көк жалтыраған сап-сары алтын.
Ағашта жапырақтар сылдырлайды,
Төгілген алтын теңге сансыз жалқын.

Толық

Заман ағымы

  • 0
  • 0

Өткен күн ертедегі бейне сағым.
Замана құбылады, жоқтай «бағым».
Үдере, бұлдыр қағып, тынбай аққан
Зырлаған заман шіркін сияқты арын.

Толық

Қарап көріңіз