Корейская косметика премиум класса

Айназар мен Айсұлу хикаясынан

  • admin
  • 30.07.2022
  • 0
  • 0
  • 81
«М. К.-ге»
Сансыз юлдыз аспан көкте
Нұрлары ойнап ялтыри,
Янған отлы өз юлдызын
Юрек ізлеп қалтри.
Көк мұхитта от юлдызлар
Ялт — юлт билеп ойнилар.
Түрлі матүр отлар шаша,
Ойнаудан һиш тоймилар.
Мүмкин алар янған гәуһәр,
Мүмкин көкнің нұрлары.
Сақ-сақ күліп иырлар айтұр,
Интілми тик иырлары.
Иырақ дүр, бит, алар бізге,
Тиқ ялтыри нұрлары.
Аларны біз юлдыз дейміз,
Мағлұм түгіл сырлары...
Юлдыз санап мин киләмін,
Урманлардан ұзамын.
Алтын юлдыз гәуһәр отлы,
Сина қолым созамын!..
Сині ойласам көкірегімнен
Иырлар шыға үзіліп.
Алтын юлдыз, сиңә көзім
Талми карим сүзіліп!..

II
Аспанда сансыз қалың жұлдыз бардай,
Жалтылдап нұр шашады сиқыр сырдай.
Сан сәуле көк теңізін алтындайды,
Құлпырып нұрлары ойнап қалтылдайды.
Ән қосып түрлі гауһар от боп күліп,
Би билеп көкте қалқып жалтылдайды.
Ойнаған сан сәуленің сиқыр сыры,
Жалтылдап қызықтырад сұлу жыры.
Гауһардай алтын жұлдыз көп болса да,
Тек қана қызықтырмақ жалғыз бірі...

III
...Көктегі сан сәулені санадым мен,
Әрқайсын сыпатына баладым мен.
От шашқан маңдайыма гауһарсың деп,
Біреуін таңдап көктен қаладым мен.
Сол жұлдыз көкке өрлесе, қуанамын,
Кейісем, жадырап жан, уанамын.
Кейде егер бетін оның тозаң шалса,
Күрсініп қапаланам, диуанамын.
Ол жарық жанса, көңілім тасынады.
Шаттанып қас-қабағым ашылады.
Ішінен сансыз жұлдыз бір сол ғана
Көзіме оттан ыстық басылады...

АЯН ҚАЛЖЫҢЫ
...һәркімнің қымбат көрген құндызы бар,
һәркімнің өліп өшкен «хор қызы» бар.
һәркімнің маңдайына ылайықты
Кез болған көп ішінен «жұлдызы» бар...
Ұялам өліп-өшіп «сүйгеніне».
Орынсыз менмен басты игеніңе.
Көк темір, жаңа құрылыс заманында.
Күшінді текке шашып күйгеніне...
Құрады жұмыскер тап жаңа дәуір,
Күйретед мың-мың батпан болса да ауыр.
Сүюің іске кесел боп жүрмесін.
Демеймін: «Тас жүрек бол, мұзды бауыр!..


Қазір Көкшетауда

  • 0
  • 0

Талай су бүгінгіше өткен ағып,
Бір жөнмен тынбай зырлап кеткен «лағып».
Өткеннен кеп шерткен соң жаңаның да
Шертейік күміс сағын біраз қағып.

Толық

Мұң

  • 0
  • 0

Қалғанда тар лақатта жалғыз өзім,
Жан кетіп жұмылғанда екі көзім.
Айрылған тән мен жандай қаларсың сен,
Жалындай жүрек жарған мұңлы сөзім!

Толық

Далада

  • 0
  • 0

Міне дала...
Бір топ бала,
Жүгіреді айнала.
Мінген таяқ,

Толық

Қарап көріңіз


×