Өлең, жыр, ақындар

Май айында

  • 31.07.2022
  • 0
  • 0
  • 2467
I
Май айында керемет
Бұлттанды аспан күркіреп,
Рахман жаңбыр құйып бір
Басыла қалды сіркіреп.
Жерге түсіп қызыл күн,
Жайнады дүние рух кіріп.
Ойнады орғып дүркіреп.
Жас балалар шуласып,
Саф ауадан дем алып,
Керілді кең көкірек.
Құс әніне ән қосып,
Шаттанды соғып жас жүрек.

II
Май айында тамаша
Тау, тас, орман жаңғырды.
Қаһарлы қыста рух кеткен
Жер жүзіне жан кірді.
Жапырақ гүлге оранып,
Ағашқа көрік — сән кірді.
Сансыз құс жырлап ерте-кеш,
Орманға шаттық ән кірді.
Жапырақ, балаң қызғалдақ
Құлпырды жұтып жаңбырды.
Көбелек, ара бал іздеп,
Гүлден гүлге қаңғырды.

III
Май айында ғажайып,
Жаннаттай дүние жайнады.
Бәйшешек гүлдің исі аңқып,
Әншіл құстар сайрады.
Жас жүректе алғашқы
Махаббат лебі қайнады.
Жолығуға бірінші
Ғашықтар уағда байлады.

1916 жыл, мамыр



Пікірлер (0)

Пікір қалдырыңыз

Біздің жақта

  • 1
  • 27

Шалқыған біздің жақтың көлдері бар,
Ағашты биік таулы жерлері бар.
Өзен, су, көлдер жайлап, тау қыстайтын
Меймандос, берекелі елдері бар.

Толық

Отарба

  • 0
  • 2

Белден асып,
Аттап басып,
Отарбада келеміз.
Айтқан жерге,

Толық

Тұлпарым...

  • 0
  • 1

Бұрын атым — тұлпар еді, бәйге көк,
Енді міне, поезд болды, тұлпар жоқ.
Ұзақ жолға!
Тұлпар қол ма?

Толық

Қарап көріңіз