Сәкен Сейфуллин

Күзетші иттер

Қазақша өлең мәтіні, өлең жолдары және толық нұсқасы.

31.07.2022
0
0
2542

Біздің ауыл жиналды
Қой сойып, ет жеп тоюға.
Жиналған соң кеңесті
Қотанға күзет қоюға.
Бірнеше ит әкеп қойысты
Қотанды аман сақтар деп.
«Бөріден гөрі игі ғой
Тамағын жеген ақтар» деп.
Түнделетіп Айтжа-екең
Қотанды жүрсе аралап,
Күзетші иттер қойыпты
Талай қойды жаралап!
Айқай салды Айтжа-екең
Оятуға ауылды.
Еркелейтін кешегі
Арсылдап иттер жабылды.
«Кет!» деп еді иттерге,
Иттерге ие табылды.
Жиналған жұрт Айтжанға —
«Алмашы дейді мазамды!»
«Не қылдың, бәлем, - деп иттер,
Берерміз дейді сазаңды!»

Сәкен Сейфуллин күзетші иттер Сәкен Сейфуллин өлеңдері

Пікірлер (0)

Пікір қалдырыңыз

Жиі қойылатын сұрақтар