Өлең, жыр, ақындар

Орман

  • 03.02.2016
  • 0
  • 12
  • 71993
Орман міні,
Мұның да үні
Кейде жұмсақ, кейде шу.
Кейде тынық,
Кейде сұлық,
Кейде дауыл гу де гу.
Қалың орман,
Ойға толған,
Тұнжырайсың иіліп,
Еңбек сырлас,
Сәулем құрдас,
Әр рудан жиылып.
Жоқ бір қалып,
Кейде ырғалып,
Сен де көлше шулайсың.
Басты шайқап,
Желді жайпап,
Аласұрып тулайсың.
Аппақ қайың,
Қарағайың
Қосылыпты табысып.
Сұлу терек,
Жасыл желек
Құшақтасып қабысып.
Кейде қыбыр,
Кейде жыбыр,
Кейде жұмсақ желбіреп.
Көйлегің көк,
Өрнегі көп,
Құлпырады елбіреп.
Сұлу терек,
Жасыл желек,
Сәулем, саған не керек!
Биік бойың,
Кімде ойың?
Жібек желге аш қойын.
Аппақ кайың,
Бұл не жайың,
Жасарасың жыл сайын?
Аппақ қайың
Қалқатайым,
Мас қылады иіс майың?
Ақ көйлекті,
Сұлу текті,
Жасыл шашақ желекті.
Ырғаласың,
Бұраласың,
Көзді қайда саласың?
Қарағайым!
Жұпар майың,
Жібек желмен аңқиды.
Жұпар шаштың,
Көкірек аштың,
Мас болып тән балқиды.
Мас қылады,
Жас қылады
Жұпар исің жүректі.
Дертке дәрмен,
Тасқын әлмен
Жігерлейсің білекті.



Пікірлер (12)

Мақпал

Өте жақсы

Рухия

Өте жақсы өлен

Айдос

Маған өте қатты ұнады

Дильназ

Олендердин барлыгы табигатка арналган.Маган унаиды.

азиза

сакен сейфуллин керемет олен маган комек керек сиздин оленинизден кайын терек создерине катысты коркем керек

Zhanna

I don't fucking understand

Айша

Сәкен Сейфуллиннің Орман атты қлең маған ұнады, жақсы жазылған, көмегі тиді

Абдуссалам

бул олен маган унады мен осы апта жарыска барам

Абдуссалам

бул олен менын жарысыма дал келды

Нурмұхамет

❣️❣️❤❤

Пікір қалдырыңыз

Көкшетау

  • 0
  • 4

Арқаның кербез сұлу Көкшетауы,
Дамылсыз сұлу бетін жуған жауын.
Жан-жақтан ертелі-кеш бұлттар келіп,
Жүреді біліп кетіп есен-сауын.

Толық

Мұзды тау

  • 0
  • 0

Мұзды тау мұнарлы ойға шомып батқан,
Зәрлі алған көкірегінде мұз боп жатқан.
Кеудең мен жүрегіңді сұп-суық қып,
Суық мұз жібіместей мәңгі қатқан.

Толық

Қаралы күн

  • 0
  • 0

Еңбекші тап бүгін ауыр жаралы,
Қан қызыл ту бүгін қайғы-қаралы,
Еңбекші тап бүгін жалпы қайғырып,
Ауыр хабар-хатқа төніп қарады.

Толық

Қарап көріңіз