Өлең, жыр, ақындар

Арыстан Дәуітұлы

  • 05.08.2022
  • 0
  • 0
  • 1155
Пайғамбар жалын сөзі иман берген
Сансыз ер жолында өлмек соңына ерген.
Тілінен балы тамған, ақын бұлбұл
Мүлт кетпес тіл мен қолы бірдей мерген.
Тарихтың ұлы дүбір арыстаны
Қырағы өткір зейін данышпаны
Дүбірі жер мен көкті солқылдатқан
Сан жаумен зор майданда алысқаны.
Қайралған өткір алмас, тілі шешен
Тарихтан шыққан жеке үздік көсем
Қол бастап өзгерісте алып еткен
Тар жолдан, тайғақ кешу аман-есен.
Арыстан жалбыр қара аруақты
Айбыны қалтыратқан алтын тақты.
Жол бастап жалпы адамзат бақытына
Көрсеткен айнадай қып болашақты.
Арыстан һәм пайғамбар сегіз қырлы
Ілімі жалшы бақыт, жалғыз сырлы
Сүйініп, шалқып сені жыр қылмаса
Не қылад сорлы ақындар өлең-жырды?!
Тарихтың зор қамытын мойнына артқан
Үлгі алған орын басып, үлкен қарттан.
Кейінгі жалпы елдің жас буыны
Шаттанып жырлар талай еріп арттан.



Пікірлер (0)

Пікір қалдырыңыз

Ақ төбет пен отарба

  • 0
  • 0

Алысқа созылған жол еді,
Жол бойы сыңсыған ел еді.
Қызыл күн сәскеден нұр шашып,
Қарсыдан жай ескен жел еді.

Толық

Жау

  • 0
  • 0

Құрсаған жау
Ақ, көк, ала түменен,
Жер үстімен,
Аспанменен, суменен.

Толық

Қосымша

  • 0
  • 0

Қойса да «Бурабайды» байдан алып,
Кейде кей арамтамақ пайдаланып.
Жатады еңбекшінің орнын алып,
Күтулі, орынды ондап, жайлап алып.

Толық

Қарап көріңіз