Өлең, жыр, ақындар

Совет баласы

  • 05.08.2022
  • 0
  • 0
  • 1003
— Мынау ғой «НЭП»,
Қойды ғой жеп,
Шіркін, cay «ДЭП»
Келер ме еді айналып?!
Деді кедей,
Қайтсын демей,
Тірі жемей
Қояр емес байларың!
Бай нардомда,
Исполкомда —
Мұнда, онда,
Байлар тағы торлады.
Байлар қуан!..
Кейбір суан
Емес жуан,
Еппен сені қорғады.
Бай күледі,
Жай күледі,
Май күледі
Бойын жазып қу жуан!
Күліп еді —
Күркілдеді,
Іркілдеді
Майлы бүйен буржуа.
Болсам өкімет,
Жазып декрет, 
Бұйрық секрет
ГПУ-ге де берер ем.
«Тапсын мал» деп,
«Іске сал» деп,
Сонан соң байды көрер ем
Болсам солдат:
Алып мандат,
Байды таңдап,
Айдар едім жұмысқа.
Номер тағып,
Малша бағып,
Арттан қағып,
Босатпас ем тынысқа.
Болсам нарком,
Кеш қып: нардом,
«Ашқа жәрдем»
Жұмысында жүрсем мен.
Буржуй, мырза
Келіп тұрса,
Итше қуып тұрсам мен.
Aha, бай..., пардон!2
Бұл... бұл... нардом!
Сізге ардом3,
Мұнда бекер келдіңіз!
Семіз борсық,
Майлы торсық
Кеткен борсып,
Қанша кедей жедіңіз?..
Aha, ..пардон, мадам!
Былқыл қадам,
Құйқыл адам,
Біздер қатаң буржуйға. 
Нардом бізде,
Екеуміз де
Бола алмаспыз бір жайда.
Буржуй жуан,
Суан
Енді «қуан»!
Мырза, пардон...
Aha, солай ма!
Пардон, мадам, пардон!..

1923 жыл



Пікірлер (0)

Пікір қалдырыңыз

Ескі күйдің сарыны

  • 0
  • 0

Дүниеде әрбір бөлек жердің аты,
Себеппен қойған бәрі елдің аты.
Әлгідей себептермен атаныпты,
Шыңдар мен тау ішінде көлдің аты.

Толық

Қажымұқан

  • 0
  • 0

Көсілген Көкшетаудың даласынан,
Көк майса сансыз өлке саласынан.
Шолақпен тете шыққан Қажымұқан
Оралған көк Есілдің жағасынан.

Толық

Советстан – отарба

  • 0
  • 0

Поезд іші дауам қайнап құбылмақ,
Әлсіз сорлы сәкі астына тығылмақ.
Біреу жетпек,
Біреу кетпек,

Толық

Қарап көріңіз