Сәкен Сейфуллин

Аспанға ұш

Бұл бетте «Аспанға ұш» атты Сәкен Сейфуллин жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

05.08.2022
0
0
1745

Мініп ап ұш аспанға аэроплан,
Тау басынан қызықсын ұшқан қыран.
Таба алмасын жауларың, жерде қалсын
Жорғалаған сені аңдып қу-сұм жылан.
Орынбордан таңертең шықсаң ұшып,
Ақмолада дем алып түсте түсіп,
Семей барып қонаға съезде боп,
Ертеңіне қайтарсың қымыз ішіп.
Түнде ұшсаң адасып кетпей лағып,
Жұлдыздай ғып тұтатып фонарь жағып
Және шылым тұтатып я қызықсаң,
Жарқыратып қоярсың төске тағып.
Керек болса бұлттарды қойша бағып,
Пұшпағынан жинарсың арқан тағып.
Жауын керек жерлерге жаудырарсың
Дүрсілдетіп сабаумен төмен қағып.
Ұшқың келсе мініп ап аэроплан,
Жұртты шақыр алуға, салып ұран.
Даласынан қазақтың құс болып ұш,
Құлашты жай, жас түлек батыр ұлан!

1923 жыл, 30-шілде, Орынбор

Сәкен Сейфуллин аспанға ұш Сәкен Сейфуллин өлеңдері

Пікірлер (0)

Пікір қалдырыңыз

Жиі қойылатын сұрақтар