Маған сенің есімің ғана ұнайды – Ақбота Бейбітбек

Бұл бетте «Маған сенің есімің ғана ұнайды» атты Ақбота Бейбітбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • kmm
  • 05.12.2022
  • 1
  • 0
  • 1244
Маған сенің есімің ғана ұнайды

Өзгеше өмір салтым, бөтен ғұрпым,
Өзгеше мендік болмыс, бөтен күлкім.
Ешқашан кетпейтіндей жүремін де,
Ешқашан сүймегендей кетем бір күн.

Үмітім жетегінде үзіктердің,
Жан күйімді келмейді тізіп бергім.
Өкпелеуді қойғанмын пенделерге,
Өкініш жоқ, бәрі де қызық болды.

Шертілер түнге шерім, Айға назым,
Мен күткен сол биіктік қайда қазір?!
Сенгенмін елеместен тосқауылды,
Жанымның төсеп түгел жайнамазын.

Көзіңнен дәуір көшіп, ғасыр ауып,
Сезіммен осы тілсіз, осы ғаріп.
Жүрсің ғой жүрегіңе тыным іздеп,
Ең ұлы жалғыздықты тосып алып.

Білмеймін, кімге жеңіл, қиын болды?
Әйтеуір көңілсіздік үйір келді.
Қаншама қасиеттен бойыңдағы,
Өзіме алып қалдым түйір белгі.

Санамда сәулелері тұр ақылдың,
Жолында адаспағай мұратыңның.
Маған сенің есімің ғана ұнайды,
Есімі болғаннан соң бір ақынның.
Шын ақынның!


Пікірлер (0)

Пікір қалдырыңыз

Жиі қойылатын сұрақтар

Маған сенің есімің ғана ұнайды өлеңінің авторы кім?

Ақбота Бейбітбек — осы өлеңнің авторы.

Маған сенің есімің ғана ұнайды өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Маған сенің есімің ғана ұнайды өлеңі не туралы?

Бұл өлеңде Ақбота Бейбітбек өз ойы мен сезімін көркем түрде жеткізеді.

Маған сенің есімің ғана ұнайды өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері