Өлең, жыр, ақындар

Наурыз жыры

  • 06.01.2023
  • 0
  • 2
  • 2330
Көтеріп моншақ аңғарда,
Көгілжім тартып тауларда,
Шалқытып сағым бауларда,
Наурызым келді бар маңға,
Наурызым келді бар жанға.
Ғажайып сәттер таянды,
Табиғат сергіп оянды.
Көзіме кесте тартылып,
Көкірек нұрға боянды,
Дүрілдеп дүние оянды.
Аңсарым, асыл Наурызым,
Жағаға біткен жалбызым.
Көз жазып қалып сан жылдар,
Көзайым болған жалғызым –
Армысың, ардақ Наурызым.
Қыдыр Наурызға ерейік,
Нәурізек құсын көрейік.
Бәйшешек гүлін терейік.
Ұлыстың күнін аймалап,
Алтын күрек желін өбейік,
Наурыз көжеде бал ұйып,
Ақ уызға арда жариық.
Семсерді сертпен жаниық.
Наурыздың нұрлы нақышы,
Кәусар тазалық деп таниық.
Қазаққа біткен жерұйық,
Халқыма құтты бол ұйық.
Адалға сақтап қориық.
Наурыздың қыдыр батасын,
Жақсылыққа ғана жориық.
Көгілжім нұрлар қалқыған,
Бусанып дүние балқыған,
Тіршілік толғау толқыған,
Тасқында бүгін толассыз,
Наурыздың күйі шалқыған.
Ұлысым болғай бақтылы,
Ырыздық тұнғай ақтылы.
Патшамыз тұрғай тақтылы.
Шапағат Наурыз шалқытқан,
Алаштың асқай шаттығы!



Пікірлер (2)

Көктал Нұрмағанбет

Мәәәәәә

Көктал Нұрмағанбет

Өлеңдеріңіз күшті екен

Пікір қалдырыңыз

Бірәлі-дастан

  • 0
  • 0

Құдайым рахметiнен құр қылмасын,
Бастаймын Бiрәлiден жырдың басын.
Нар жүгiн заманының көтерiсiп,
Сүйсiнтiп, сұқтандырған сұңғыласын.

Толық

Сейтен сарыны

  • 0
  • 0

Елестеп сонау жырақта,
Есілде – Балуан ауылы.
Құяды бір сыр құлаққа
Сейтеннің ұлы сарыны.

Толық

Отаным – еркіндігім

  • 0
  • 0

Жүрегімде жыр оты жанса егер де,
Парасаттан түйір дән болса менде.
Бәрі де, бәрі дағы сенікі – Отан,
Ақтық сыр да – ажал кеп алса демде.

Толық

Қарап көріңіз