Өлең, жыр, ақындар

Қолда, Құдай, түрік ұлын!

  • 06.01.2023
  • 0
  • 0
  • 545
Əли бей Челикбашқа

Қара теңіз шайқалады,
Айтар әні толқын атып.
Ақ теңізім қайталады
Сол бір күйді буырқантып.
Қара теңіз шайқалады,
Хабар күтіп Каспий жақтан.
Алақанға ай толады
Толқын-арман тасқындатқан.
Босфор бұғаз айдынында
Махаббаттың мүйістері.
Қалар сіңіп қайығында
Қолаң шаштың иістері.
Ыстамболдың мың жұмбағы –
Топқапының сарайында.
Албыраған жер жұмағы –
Малынған таң арайында.
Әйәй София, Ахмет Сұлтан
Айға асылған мұнарасы.
Қос теңізден қосылған ән
Тыным таппас түн баласы.
Анкарада асқақтадық,
Кие көрдік Коньядан.
Әли бейім бастап барып,
Кәрдаштарым жанын жайған.
Дәулат – екеу, миллетің бір,
Бір ененің құлынындай.
Қазағыңа құрметің дүр
Бауыр ықылас шырынындай.
Тәркі болмас түркі дүние,
Жаса, жұрты Ер Тоғрылдың.
Арманы – асқақ, рухы – кие,
Қолда, құдай, Түрік ұлын!



Пікірлер (0)

Пікір қалдырыңыз

Мұқағали музасы

  • 0
  • 0

Хан Тәңрінің биік ұшқан өрені,
Қарасаздың қара шалғын өлеңі.
Сел боп тасып ақтарылып шалқиды
Мұқағали музасының кемері.

Толық

Теңіз ұлы

  • 0
  • 0

Теңіз ұлы (Жақау Дәуренбековке)
Алтын жүрек ағатайым баспагер,
Алты қырдан әлдеқашан асқан ер.
Қорғанбек Аманжолов

Толық

Наза

  • 0
  • 0

Буыршын тектес ұл едім
Бұйдасын үзген жасынан.
Сезсе де сұмдық жүрегім,
Сескеніп әлі жасыман.

Толық

Қарап көріңіз