Өлең, жыр, ақындар

Қашықтық

  • 06.01.2023
  • 0
  • 0
  • 502
Қарға адым жер –
Ақындық пен ақындыққа жақындықтын арасы.
Бірақ осы кеселдің
Ғасырларда жазылмаған жарасы.
Қарға адым жер –
Ерлік пенен етекбасты ездіктің де арасы.
Бірақ осы кеселдің
Ғасырларда табылмаған дауасы.
Қарға адым жер –
Жабылық пен жібек жалын жел тараған
жүйріктіктің арасы.
Бірақ осы кеселдің
Ғасырларда таусылмаған наласы.
Қарға адым жер –
Асылдық пен басқа түскен баспақшылдай
тасырлықтың арасы.
Бірақ осы кеселдің
Ғасырларда шайқалмаған шарасы.
Қарға адым жер –
Найзағайлы жасындық пен су қараңғы
басырлықтың арасы.
Бірақ осы кеселдің
Ғасырларда жайпалмаған қоғасы.
Қарға адым жер –
Мәрттік пенен арды аттаған нәмарттықтың арасы.
Бірақ осы кеселдің
Ғасырларда келмей қалған тобасы.
Қарға адым жер –
Ақ сүт емген адалдық пен көк сүт емген
арамдықтың арасы,
Сұңғақ бойлы адамдық пен шұнақ бойлы
жамандықтың арасы.
Бірақ осы кеселдің
Ғасырларда жыртылмаған жағасы.
Тайбурылдың қырық үш күн кемдігіне пара-пар
Кемдігінен керемет бір нөсердің
Шындық атты ұлылықтың
Өзі емес,
Көрінетін ербеңдеген сұлбасы,
Көрінетін көлбеңдеген жобасы.
Қарға адым жер –
Ғасырларда таусылмайтын қашықтық,
Шындық үшін таусылмайтын тіршіліктің таласы.
Қарға адым жер –
Өзіңді біз асылықпен аттап өтуге асықтық.
Ал шынында қарға адым жер –
Атты адамға жол емес пе миллион шақырым
шамасы!
... Қарға адым жер – қашықтықтың кереметін
қарашы!



Пікірлер (0)

Пікір қалдырыңыз

Ассалаумағаләйкүм!

  • 0
  • 0

Қария көрсе өтеді қарамай кім?
Сәлем күтіп тұрғаның маған айқын.
Жүрісіңді сәл тежеп жөткіріндің,
Уа, қария, ассалаумағаләйкүм!

Толық

Бастау

  • 0
  • 0

«Бірғыздың» қалың қамысы
Уілдеп әнге салады.
Қарауытып салқын тау іші
Желтаудың баурын шолады.

Толық

Нұрхан ағаның рухына

  • 0
  • 0

Көкшеде сенің барыңа
Қуанушы едім, қайтейін?
Жақын бір тартсаң жаныңа,
Жұбанушы едім, қайтейін?!

Толық

Қарап көріңіз