Нұрхан ағаның рухына

Бұл бетте «Нұрхан ағаның рухына» атты Қорғанбек Аманжолов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 06.01.2023
  • 0
  • 0
  • 830
Көкшеде сенің барыңа
Қуанушы едім, қайтейін?
Жақын бір тартсаң жаныңа,
Жұбанушы едім, қайтейін?!
Қайысты-ау қара қабырғам,
Қапылды-ау қара орманым.
Жаралған едің сабырдан –
Ішіңде кетті-ау зар қалың.
Үнсіз де сүйген ұлтыңды
Ерлердің сойы өзің ең.
Жетімсіретіп жұртыңды,
Өтіпсің, аға, тезінен.
Күреске толы күндерде
Кеудеңде жанған жалын-ай!
Ұран боп кетті бір демде
Қазақтың ханы Абылай.
«Құланнан атып қодықты»,
Үмітке шырақ жалғадың,
Кенесары ханның жорықты
Жолдарыменен самғадың.
Зарлауың іште болса да,
Самғаумен өттің өмірден.
Төтеп те берген қаншаға
Төзімің сенің темірден!
Өкпесіз бауыр бар болса –
Сол бауыр, аға, сен едің.
Өсексіз қауым бар болса –
«Уа, бәрекелді!» дер едің.
Көпшіл де болған көбеген,
Көсем ең көзге көрінбес.
Алаш аруағы жебеген
Асыл бір рухың жеңілмес!..


Пікірлер (0)

Пікір қалдырыңыз

Жиі қойылатын сұрақтар

Нұрхан ағаның рухына өлеңінің авторы кім?

Қорғанбек Аманжолов — осы өлеңнің авторы.

Нұрхан ағаның рухына өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Нұрхан ағаның рухына өлеңі не туралы?

Бұл өлеңде Қорғанбек Аманжолов өз ойы мен сезімін көркем түрде жеткізеді.

Нұрхан ағаның рухына өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері