Наданға толы ғаламда – Сабина Сүлеймен

Қанша мұра назарсыз бізде қалуда,
Мына жалғыз наданға толы ғаламда.
Тарихын да, өткенін де ұмытқан
Қазақтардың ұрпағымен толуда.

«Хандығымыз қашан біздің құрылды?
Бұрындық хан Сырды қай кез қорғады?»
Қарапайым сұрақтарға жауап жоқ,
Ұмытты ғой қазағымыз тарихты.
 
Емтихан кезде өліп-талып оқиды,
Өз тарихын грант үшін зерттейді,
Көздегенге жеткеннен соң өздері,
Ұмытады бір он екі ай өткелі.
 
Оян қазақ, көзіңді аш түнектен,
Тарихымыз, өткен кез кетпек бір естен!
Жаңғыртайық мұраны ата-бабадан,
Ұмытылмас тарихты ұрпақ-ұрпақтан.