Өлең, жыр, ақындар

Шеше

  • 09.01.2023
  • 0
  • 0
  • 1036
Шеше,
Ұлың ем зор бағы,
Көзіне күн сайын түнеп шық,
Сен жайлы ойласам болғаны,
Кептеле қалады бір өксік.
Тағдыр ма?
Тағдыр ол қабағы
Қаталдау,
Қартайған кісі ғой.
Мың жерден мұң болып жанады,
Мың түрлі кіріп ап ішіме ой.
Тілегің тамыздық нұры әппақ,
Ошақтың отына мен жаққан.
Тірліктің дәмі бар бір аптап,
Тонардың нанында сен жапқан.
Десем де барлығын арнайын,
Тек маған арналған қандай бақ?!
Ұлыңа бересің әрдайым,
Наныңа жағып ап балқаймақ.
Шеше, аман болыңыз!



Пікірлер (0)

Пікір қалдырыңыз

Кездесу

  • 0
  • 0

Мен кеткенімде көбелек қуып,
Далдалап қалған ерменді бір түп.
О, бала сезім, керемет тұнық,
Ояттың қайта кеудемді жұлқып.

Толық

Келін тағы кеудеден шер тулатты

  • 0
  • 0

Келін тағы кеудеден шер тулатты,
Есер тұрмыс билеген еркін қатты.
Ері кеткен ертемен тауға шығып,
Тал бесікте бөлеулі кемпір жатты.

Толық

Сұп-суық дала тоңдырды тағы

  • 0
  • 0

Сұп-суық дала тоңдырды тағы,
Үйі құрғыр да үрейлі.
Жындардың қалың болдым ба іңкәрі,
Елестер бірге түнейді.

Толық