Бақыт жайлы

Талай адам айтып жүрген жырлатып
Бақыт жайлы мен де айтайын тілқатып
Көру, сезу,білу, жүру, ойлану
Ең алдымен осы екен шын бақыт

Бақыт жайлы туған талай сұрақта
Бақыттың да түрі көaп қой бірақ та
Бақыт құсы қонса егер басыңа
Аялағын, оны мүлде жылатпа

Бақыт деген сондай сезім тамаша
Шын ғашық жан қуанады балаша
Айдай сұлу, сүйген қызы кенеттен
Күлімсіреп көзіне бір қараса
Мұның өзі бір бақыт...

Бақыт емес, ақшаң тасып қой алу
Бақыт емес опа жағып бояну
Бақыт деген барлық мүшең сау болып
Таң атқанда ауырусыз ояну
Мұның өзі бір бақыт...

Бақыт деген анашыңның ақ наны
Әкешіңнің жауырыннан қаққаны
Разы болған, сенің ата-анаңның
Өзгелерге мақтан тұтып жатқаны
Мұның өзі бір бақыт...

***

Бақыт деген үй емес кеш баратын
Сабақ емес асығып, кеш қалатын
Бақыт деген жақындармен жиылғанда
Кездеріңғой күлкімен еске алатын

Бұл ойымды жеткізе алмай, тұспалдай
Ұйқасым да келмей қойды ешқандай
Бақыт деген алып таудай зат емес
Бақыт деген әрекет қой кішкентай

---