Өлең, жыр, ақындар

Жұбайлар тілегі

  • 30.12.2015
  • 1
  • 0
  • 7530
Екеумізде арман да ортақ, бірге үміт,
Жанымызға жуытпаймыз бір күдік.
Сен алыстан оралғанда үйіңе,
Шаңыраққа бірге енеді күн күліп.

Осы күнді шын бақыт күн екен де,
Мүлкіміз де ортақ біздің екеуге.
Мейірім де ортақ, соны сезген сәбиіміз
Еркеліктен жыламайды бекерге.

Соның салар әнін бірге ұғамыз,
Сол қыңқ етсе, құрақ ұшып тұрамыз.
Жүрек те ортақ, сезім де ортақ екеуге,
Махаббат та - ортақ бізге бір аңыз.

Жексенбіде дамыл тап та біршама,
Думан күнге қанша қалды, күн сана.
Біздерге ортақ емес пе еді туған күн,
Күнтізбеде бөлек-бөлек тұрса да.

Сан естіртіп сазын ән мен жырлардың,
Тойланады біздерге ортақ туған күн.
Кел, тағы да есімізге алайық
Мағынасын бірге өткізген жылдардың.

Бұл шаттық та жаннан әсер тапты деп,
Айтайық сосын жаз көңілмен ақ тілек.
Өткен жылдың еске алайық бір сәтін,
Сондай қызық басымыздан өтті деп.

Айта алмасақ, қуанышта бекер ғой,
Салмақты айтайық, болмаса да бөтен той.
Бірақ, жаным, тілек айту керек пе,
Біздің тілек онсыз да ортақ екен ғой.



Пікірлер (0)

Пікір қалдырыңыз

Жеңіс

  • 0
  • 2

Сәулесін шашып түнекке,
Ысырып жауды жер-көктен.
Қасірет тұнған жүрекке
Жеңіс боп келді сол көктем.

Толық

Сайтқа арнау

  • 0
  • 0

Жүректерді ізгілікке елең ғып,
Сонда айтылар әсем ән мен өлеңді ұқ.
Салтанат па, мереке ме, мейрам ба,
Бір-біріне "Құтты болсын!" деген жұрт.

Толық

Агент-әуен

  • 0
  • 0

Mail-дан почта ашылушы еді,
Есімде пароль сөздері.
Бір ару соған асығушы еді
Нұр шашқан қара көздері.

Толық

Қарап көріңіз

Пікірлер