көңіл)

Қызық екен, мұндай күйлер кешкенім,
Өз ойымнан сіздің ойға көшкенім.
Мен ерекше көңіл күйге түстімғой,
Осындайда байқалады өскенім.

Өмірдің тек байламына қараппын,
Тек кітапты парақтауға жараппын.
Қателігім басты мынау өмірде,
Бар бақытты бір адамға балаппын.

Дін мен әлем бір тағдырға тоғысты,
Бар ақылым жүрегіме ойысты.
Мен ақыры сізді қатты ұнаттым,
Тоқтата алмай жүрмін ішкі соғысты.

Білсеңіз ойым жоқ дамылдауға,
Сезімімді екінші қабылдауға.
Көріспейміз, ұмытам барлығын мен,
Тек еске алам барғанда ауылдарға.