Гүлмекен Қасенбай

Құрбыға тілек

Бұл бетте «Құрбыға тілек» атты Гүлмекен Қасенбай жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

gumakanapia
04.06.2023
0
0
5476

Туған күнің құтты болсын жан құрбым,
Берекелі, бақты болсын тағдырың!
Қос өмірде мұң шалмасын жүзіңді,
Ең сүйікті құлы болып Раббыңның!

Ұл-қызыңның бірге көріп қызығын,
Жан-жарыңмен тең қартайғын Нәзігім.
Сезімдерің бір-біріңе сөнбестен,
Фирдауста жалғастырсын жануын!

Еркелей бер, күлімдей бер, күндей боп,
Дәл өзіңдей құрбыны әлі көргем жоқ.
Мені күнде өз үйіне шақырып,
Сен секілді қонақ еткен ешкім жоқ!

Ата-анаң да мені қатты құрметтеп,
Бар тәттісін ұсынатын «жаным» деп.
Құт кетпесін шаңырағыңнан қонақжай,
Ақ пейіл мен жомарттығың себеп боп.

Қандай істе жүрсең-дағы табысты,
Күреп тауып, оза бергін жарыста!
Ақкөңілім, сені жақсы көремін,
Ренжімеші мұңайтқан кезім болса?!

Келе берсін туған күнің жыл сайын,
Ең керемет тосын сыймен әрдайым.
Өлеңменен өрген аппақ тілегін,
Баяғы сол, өзіңнің Гумкатайың!

Гүлмекен Қасенбай.
04.06.2023 жыл.

Туған күнге арнау тілек құрбыға тілек туған күнге құттықтау. құрбым гүлназға тілек gumakanapia өлеңдері құрбыға

Пікірлер (0)

Пікір қалдырыңыз

Жиі қойылатын сұрақтар