Анаға тілек – Гүлмекен Қасенбай

Бұл бетте «Анаға тілек» атты Гүлмекен Қасенбай жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

​ ​ ​ ​ ​ ​ ​ ​ ​
Аялап,​ мәпелеген,​ құндақтаған,
Ауырсақ жан ұшырып,​ бір жатпаған.
Қиналсақ, қабағымыз мұңға толып,
Ас батпай,​ алаң болған уайымнан.

Сұрасақ қолжетпесті тауып берген,
Біз үшін қиындықтың бәрін көрген.
Біз сүйген адамдарды бірге сүйіп,
Жек көрсек кей адамды, қауіптенген.

Сәл ғана жетістікке жете қалсақ,
Қуанған мақтанышпен шын жадырап.
Қызғыштай қорғап кейбір жамандардан,
Шырылдап шыр-пыр болған біздерді ойлап.

Сарп еткен бар ғұмырын ұрпағына,
Анашым алғыс айтам сізге мына.
Біздерге «Нағыз Ана» нәсіп еткен,
Сан мың шүкір айтамыз Жаратқанға!

Бүгін міне бейнет жоқ, зейнет қалған,
Орындалған кешегі біраз арман.
Ұл-қыздарың орныққан орнын тауып,
Құрметтеуде жиналып бала-шағаң!

Құтты болып сексен жас өміріңіз,
Жас баладай жайнасын көңіліңіз.
Аман-есен жүз деген асуды асып,
Мейіріміне Алланың шомылыңыз!

Мұң шалмасын жүзіңізді екі өмірде,
Аллаһ қолдап жетіңіз екі елуге!
Бұдан былай бақытты өмір сүріп,
Сауап толсын амали дәптеріңе!

Г.​ Қссенбай
08.06.2023


Пікірлер (0)

Пікір қалдырыңыз

Жиі қойылатын сұрақтар

Анаға тілек өлеңінің авторы кім?

Гүлмекен Қасенбай — осы өлеңнің авторы.

Анаға тілек өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Анаға тілек өлеңі не туралы?

Бұл өлеңде Гүлмекен Қасенбай өз ойы мен сезімін көркем түрде жеткізеді.

Анаға тілек өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Ұқсас өлеңдер

Басқа да жазбалар