Тойға тілек

Жалғастырып кеше мен бүгінгіні,
Еске сап ата дәстүр – бұрынғыны.
Міне, тағы бас қосты ортамызда
Екі жас ұнатқан соң бірін - бірі.

Ақ жол болсын үлкеннен бата алғаның,
Құтты болсын шаңырақ - атанғаның!
Жайнай берсін қашанда гүлге оранып
Бүгінгі сендер тіккен отауларың!

Ұрпақ ерсін ізетті іздеріңнен,
Бақ күлкісі кетпесін жүздеріңнен!
Өмірлерің болашақ арылтпасын
Әрдайым бақытты осы кездеріңнен!

Адал дос Алла берген Ерболатым
Ата анаң болсын аман қос қанатың
Жауқазындай жайнаған Меруертпен
Бақытты бол, асып әр кез салтанатың!