Байбота Қошым-Ноғай

Қуыршақ сатып алдық біз

Бұл бетте «Қуыршақ сатып алдық біз» атты Байбота Қошым-Ноғай жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

admin
08.12.2023
0
0
575

Дүкеннен көкем сенбіде,
Қуыршақ сатып ап келді.
Қуанып қалдым,
Мен, міне,
Мазаламаймын әпкемді.

Сөздерін тыңдап өзгенің,
Ішіне жұмбақ сыр түйіп.
Мөлдіреп қара көздері,
Қуыршақ отыр бұртиып.

Күнұзақ бізге бірде-бір
Айтпады қызық әңгіме.
Қалғандай тілі күрмеліп
Қуыршағымның мәңгіге!

Ол бірақ маған ұнады,
Қолыма алдым мен еппен.
«МА-МА!» - деп сол сәт жылады
Қуыршақ сөйлеп кенеттен.

Қайда екен оның анасы?
Іздесек,
Қалар табылып.
Шешесін бұл да, шамасы
Қалған-ау әбден сағынып!

қуыршақ балаларға арналған тақпақтар қуыршақ сатып алдық біз... Байбота Қошым-Ноғай өлеңдері

Пікірлер (0)

Пікір қалдырыңыз

Жиі қойылатын сұрақтар