Ескен Елубаев

Тәрбие құралдары

Бұл бетте «Тәрбие құралдары» атты Ескен Елубаев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

admin
29.12.2023
0
0
486

Балалардан сұрадық:
– Нелер, нелер, нелер? – деп, –
Тəрбиенiң құралы,
Өнеге-ықпал берер көп?
Бiреуi айтты:
– Кино, – деп,
Кино түсiп ойына.
Құптап қойдық оны да.
Бiреу айтты:
– Кiтап: – деп
Кiтап түстi ойына.
Құптап қойдық оны да.
Бiреу айтты:
– Музей, – деп,
Музей түсiп ойына.
Құптап қойдық оны да.
Бiреу айтты:
– Театр, – деп,
Театр түсiп ойына.
Құптап қойдық оны да.
Бiреу айтты:
– Телевизор...
Телевизор түсiп ойына.
Құптап қойдық оны да.
Бiреу айтты:
– Спорт, – деп,
Спорт түсiп ойына.
Құптап қойдық оны да.
Бiреу айтты:
– Белдiк... – деп...
Əкесi түсiп ойына...
Құптаймыз ба, оны да?!

Ескен Елубаев балаларға арналған тақпақ балабақшаға арналған тақпақ тәрбие құралдары Ескен Елубаев өлеңдері

Пікірлер (0)

Пікір қалдырыңыз

Жиі қойылатын сұрақтар