Ескен Елубаев

Тату елде

Бұл бетте «Тату елде» атты Ескен Елубаев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

admin
24.09.2024
0
0
488

Ертегі

Сенесің бе,
Сенбейсің бе,
Бір купеде,
Көрмейсің бе,
Келе жатыр –
Бас қосқан.
Шүйіркелесіп,
Әңгіме айтып,
Сырласады
«Сіз» десіп,
Бірін-бірі
Енді қайтып,
Торымайды,
Із кесіп…

Сенесің бе,
Сенбейсің бе,
Ит пен мысық
Достасқан.
Бір үстелде,
Көрмейсің бе,
Тамақ ішіп –
Бас қосқан.
Өте жақын
Туыстастай,
Екеулері
Болыпты.
Бірін-бірі
Қуыспастай,
Өштіктерін
Қойыпты…

Қасқыр мен қой
Достасқан.
Сенесің бе,
Сенбейсің бе,
Түлкі,
Тауық
Достасқан.
Жүр далада,
Көрмейсің бе,
Емін-еркін –
Бас қосқан…
Жүруші еді
Бұзып шырқын,
Жемін іздеп
Тауықтан.
Бұл күндері
Қызыл түлкің,
Қойды әдетін –
Жауыққан…

Бәрін, бәрін
Біріктіріп,
Болдырмайтын
Тосын жай,
Тату елде
Біліктілік
Деген, міне,
Осындай…

Ескен Елубаев ертегі Ескен Елубай тату елде Ескен Елубаев өлеңдері

Пікірлер (0)

Пікір қалдырыңыз

Жиі қойылатын сұрақтар