Өлең, жыр, ақындар

Есеп емес мен үшін күн, түн деген

  • admin
  • 03.01.2024
  • 0
  • 0
  • 470
Есеп емес мен үшін күн, түн деген,
Тоқтамаса жүрегім дүрсілдеген.
Жолбарыстың қайраты, Арыстанның,
Айбаты бар бойымда іркілмеген.
Жорттым құба далада күні бойы,
Жорттым түлен ішінде түні бойы.
Бабалардың бойында қаны ойнайды,
Алабұртқан айта алман біліп ойды.
Елес пе екен естіген ертегіден,
Әлде ауылдың келтекі тентегі ме ем?
Атқа мінсем келеді көз алдыма,
Түмен қолмен, тұлпарлар жер тебінген.
Оқыс талай қыстым да тақымымды,
Ауыздықсыз тарпаңым атырылды.
Бұдан бұрын туғанда екі-үш ғасыр,
Болар ма едім қас батыр басы құнды?
Болар ма едім қас батыр, болар ма едім?
Әлде, әлде жуадай солар ма едім?
Қара білек күшімен қан қақсатып,
Қара жолда керуен тонар ма едім?
Ысып, қышып, кейбірде алақаным,
Ездік құрсын, ерлікті жаратамын.
Ерегісте биіктеп Алатаудан,
Сыйластықта жусаннан аласамын.



Пікірлер (0)

Пікір қалдырыңыз

Мен болып, досым, қарашы

  • 0
  • 0

Мен болып, досым, қарашы дарқан өмірге,
Мен болып, досым, қарашы барлық көңілге.
Араша түскін, жазықсыз жапа шексе жан,
Қайғысын оның көруің мүмкін өзің де.

Толық

Шүкіршілік – көрсеткенге, көргенге

  • 0
  • 0

Шүкіршілік – көрсеткенге, көргенге,
Қайтер едім түк те көрмей өлгенде.
Жаным ырза табиғатқа, тағдырға –
Көретін көз, сөйлейтін тіл бергенге.

Толық

Өзипа Жатқанбайқызына

  • 0
  • 0

Жомарт Алла саған бәрін беріпті,
Елік мінез, сұлулықты көрікті.
Елжіретер ерке назды ерікті,
Дарынды ғып, жалынды ғып жаратып.

Толық

Қарап көріңіз