Өлең, жыр, ақындар

Қайда жүрсем шықпай қойдың есімнен

  • admin
  • 03.01.2024
  • 0
  • 0
  • 444
Қайда жүрсем шықпай қойдың есімнен,
Мен де сенің кетірдім-ау мазаңды.
Үмітсіз көп
Үміттенер жесірден,
Бірі десең, берсін Тәңір жазамды!
Жан екенсің бақ-шырағы жанбаған,
Жүрсе дағы тасың өрге домалап.
Жанарынан жүрек оты тамбаған,
Саған бірақ кінә тағу обал-ақ!
Қодырайған күшік кеуде жандардың,
Ән-сәні боп құбыл мейлі, құбылма.
Ақ шолпаны секілді атқан таңдардың,
Сенің бейнең қалды мәңгі жырымда.
Кейде тіпті жалбарынам тағдырға,
Естіртпе деп сырттай жаман атыңды.
Қорғау үшін өз арымның алдында,
Жазығы жоқ жалғыз махаббатымды.
Қайтейін, сен бұлбұл едің дарынды,
Бағың таппай, бағанада ән салдың.
Қайтейін мен, ақын едім арынды,
Айтарымды айта алмай-ақ тамсандым.



Пікірлер (0)

Пікір қалдырыңыз

Шықтарын төкті боз көде

  • 0
  • 0

Кер дала кербез сағымды,
Туған жер, жаннат жанарым.
Алыстан сынап бағымды,
Аттанып кетіп барамын.

Толық

Таластың ару еркесі

  • 0
  • 2

Аққудай сызылтып бір ән салдың да,
Қайыңдай тербетілдің қарсы алдымда.
Жалындай ыстық демің бетті шарпып,
Жаутаңдап тұра бердім тамсандым да.

Толық

Беу, дүние

  • 0
  • 0

Тоқтамас тылсым дүние керуені,
Бұл неткен шетсіз-шексіз шеру еді.
Бұл шеру адамзаттың ұрпағының,
Өмірден өтуі мен келуі еді.

Толық

Қарап көріңіз