Өлең, жыр, ақындар

Сыбызғыдай сыңсығаннан жоқ пайда

  • admin
  • 07.01.2024
  • 0
  • 0
  • 299
Сыбызғыдай сыңсығаннан жоқ пайда,
Жарқылдайтын жанарыңнан от қайда?
Сен сүрініп, мен жығылып жатқанмен,
Жарығым-ау, өмір көші тоқтай ма?
Өмір көші тоқтамайды, ұқ мұны,
Жер қаптырып кеткен талай мықтыны.
Қөтергенмен көшке ілесе алмайды,
Қорқыныштың болған адам тұтқыны.
Тәуекелге белді бусаң сескенбе,
Мұратқа оңай жеткен емес еш пенде.
Өз күні емес, келер күнді ойлаған,
Ер азамат етікпен су кешкенде.
Үміт отын өшірмесең болғаны,
Семсер сенім – ер жігіттің қорғаны.
Алты қарыс азуы бар арыстан,
Атқып кетер, айбарлансаң, жолдағы.
Салынбастан сары уайым сарынға,
Жарқ-жұрқ еткін жалыныңның барында.
Ерлерге тән қасиеттен айрылсаң,
Ерім ғой деп сыйламайды жарың да.



Пікірлер (0)

Пікір қалдырыңыз

Сағыныш

  • 0
  • 0

Сағынбас жан бар ма екен,
Сабатты сарыжайлауын?
Сағым боп қайда қалды екен,
Боталы аулым, тайлы аулым?

Толық

Мен көнсем де, ағайын, дегеніңе

  • 0
  • 0

Мен көнсем де, ағайын, дегеніңе,
Өлең шіркін көнбейді, керегі не?
Ол шындықтың семсері екі жүзді,
Жалған айтсаң тастайды бөледі де.

Толық

Мені теңеп жүрген көп Абайға да

  • 0
  • 0

Мені теңеп жүрген көп Абайға да,
Бола салдым мен Абай қалай ғана?
Теңелерлік Абайға бар ма қазақ?
Өтсе дағы өмірден талай дана.

Толық

Қарап көріңіз