Өлең, жыр, ақындар

Жаңа жылдан күтерім

  • admin
  • 07.01.2024
  • 0
  • 0
  • 785
Тыныштық күтем әлемге,
Дарқандық күтем даламнан.
Жақсылық күтем бар елге,
Ізгілік күтем адамнан.
Жаңалық күтем күн сайын,
Той-думан күтем дүбірлі.
Сәбилер күтем үй сайын,
Бақытты үбір-шүбірлі.
Адалдық күтем ақ қанат,
Махаббат күтем баянды.
Сән менен күтем салтанат,
Бау-бақтан күтем саяңды.
Енбектің күтем жемісін,
Ерліктің күтем еренін.
Шындықтың күтем жеңісін,
Ақылдың күтем тереңін.
Қуаныш күтем болмаған,
Татулық күтем баршаға.
Бақ құсын күтем қонбаған,
Қонбаған әлі қаншама.
Күтерім сенен көп менің,
Адамзат үшін әлемде.
Алдырмай жатқан өрт демін,
Ерлер мен елге сәлем де.



Пікірлер (0)

Пікір қалдырыңыз

Ақындар-ай, ақындар

  • 0
  • 0

Ақындай мейірімді,
Әлемде жан бар ма?
Анадай тербетіп,
Таңдардан таңдарға,

Толық

Шабыт

  • 0
  • 0

Кеудемді керші, жұпар самал ескен,
Сан гүлдер, қайдасыңдар далада өскен?
Көмескі түсте көрген қызықтардай,
Өткен күн неге шығып барады естен?

Толық

Айтатын саған, арманым менің көп еді

  • 0
  • 0

Айтатын саған, арманым менің көп еді,
Тағдыр-ай, тағдыр, тілімді кесті, бөгеді.
Сарғайып барам, көңілім жасыл көк еді,
Көктемім болсаң, нөсерің қашан төгеді?

Толық

Қарап көріңіз