Өлең, жыр, ақындар

Кештік талай өзенді

Қазақша өлең мәтіні, өлең жолдары және толық нұсқасы.

Кештік талай өзенді,
Көрдік қилы кезеңді,
Кешіп жүріп өзенді,
Шөлдеп ернім кезерді.
Көріп қилы кезеңді,
Таңым да атпай безерді.
Өсек өртін тұтатып,
Бетпақ тілін безенді.
Арттан қанша сөз ерді.
Аттанға айқай қосқандар,
Арттан мылтық кезенді.
Өмір жолы осындай,
Жүрем деме шошынбай.
Қиянат та қыл көпір,
Өтем деме тосылмай.
Көптен көңілің қалса да,
Көпке тағы қосылмай,
Күнің қараң, қоқима,
Қу кеудеңді бос ұрмай.
Өмір жолы осындай,
Талай жандар кезігер.
Әртүрлі әркім сезінер.
Құшағыңды ашсаң да,
Біреулері безінер.
Біреулері елжіреп,
Ет бауыры езілер.
«Кешегі өткен жақсының,
Артта қалған көзі дер».


Пікірлер (0)

Пікір қалдырыңыз

Жиі қойылатын сұрақтар

Кештік талай өзенді өлеңінің авторы кім?

Жарылқасын Аманұлы — осы өлеңнің авторы.

Кештік талай өзенді өлеңінің толық мәтінін қайдан оқуға болады?

Бұл бетте өлеңнің толық мәтінін онлайн оқуға болады.

Кештік талай өзенді өлеңі не туралы?

Бұл өлеңде Жарылқасын Аманұлы өз ойы мен сезімін көркем түрде жеткізеді.

Кештік талай өзенді өлеңінен үзінді бар ма?

Бұл бетте өлеңнің толық мәтіні мен шумақтары ұсынылған.

Осы автордың басқа өлеңдері