Жарылқасын Аманұлы

Мұқағали Мақатаевқа

Бұл бетте «Мұқағали Мақатаевқа» атты Жарылқасын Аманұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

admin
07.01.2024
0
0
458

(Әні бар)

Домбыраңды әкелсем шертесің бе, бауырым,
Жүрегің мұз, тәнің күз, ертесің бе, бауырым.
Жырыңменен жұбатып әлдилеуші ең әлемді,
Қалай сыйып жатырсың жер төсіне, бауырым.
Қалай сыйып жатырсың жер төсіне, бауырым,
Ажалды да алдыңа бас идіріп кетіпсің,
Ғұмырыңның өкінбей келтесіне, бауырым.
Жарты бақыт жартылай уайыммен, бауырым,
Қоштастың-ау тым ерте Күн, Айыңмен, бауырым.
Қабыл болса тілегі тірілердің, өзіңді
Қара жерден қайтар деп сұрайын мен, бауырым.
Қара жерден қайтар деп сұрайыншы, бауырым.
Керек болса домбыраң алып келіп қосылып,
Қорқыт болып басыңда жылайыншы, бауырым.

Жарылқасын Аманұлы мұқағали мақатаевқа Жарылқасын Аманұлы өлеңдері

Пікірлер (0)

Пікір қалдырыңыз

Жиі қойылатын сұрақтар