Іздемеген дос - дос па, кім айтады?

Іздемеген дос - дос па, кім айтады?
Қанша менің көңілім құлайды әлі?
Хал сұрамай құдайкүн , еш себепсіз
Кетпеуші еді жоғалып бұлай бәрі.
Әлде маған соншама өкпелі ме?
Түсті ме екен сын тағдыр өткеліне?
Қиындыққа мойытпай бір-біріңді
Қамқорлықта қанша жыл өтпеді ме?
Жүрмін бе әлде күндізде түн төндіріп,
Болмашы бір уайымнан бұлт өндіріп,
Ғұмырымның күлшесін дәм татқызбай
Өтіп жатыр бұл өмір күрсіндіріп.

---