Алматыға (Бірінші өлең) – Ажар Ерболған

Бірінші өлең.

Ей, Алматы!
Сен жайлы айтса сенбеп едім мен бұрын.
Ол да ертең кетеді деп сенді кім.
Енді өзіңді тербете ме әнімен,
Сезім толы сол бір дауыс, сол бір үн.

Ей, Алматы!
Хат жазумен арнап жүрек ғазалын,
Саған ылғи ауа ма енді назарым.
Бүгін Оны сенен ғана қызғандым,
Өзіңе айтар, осы болды, наз-әнім.

Ей, Алматы!
Сезім барда бізде осылай үміт көп.
Алдамшы ғой жүргеніміз күліп тек.
Дүниенің бәрі сұлу ән болған,
айта көрме, шақтарды сол ұмыт деп.

Ей, Алматы!
Ендігіні білсе, білер бағымыз.
Сезім кешсек, сынбасыншы сағымыз.
Өзің жақта басталды ғой ұлы өмір.
...Біздің жақта тағы күз.