Біздің жақта күз ғой әлі – Ажар Ерболған

Бұл бетте «Біздің жақта күз ғой әлі» атты Ажар Ерболған жазған табиғат туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

Біздің жақта күз ғой, аға, күз әлі...
Талай күндер көңілсіздеу ұзады.
Қалтыраған жапырақтай жүректің
жанын ұқпай жүр екенбіз біз әлі.

Біздің жақта жүректер көп жоғалған.
Кеуделерден көшіп кетті көп арман.
...Көңілімнің жапырағын қайтейін,
күзден бұрын тоналған...

Біздің жақта сағыныш жүр адасқан,
Аңғалдығы күзге ғана жарасқан.
Аңғалдық-ай, адалдық-ай, сендерді
көріп тұрып жылайды ғой ақ аспан...

Бізде тағы сезімдер көп кірлеген,
Бір көктемде үміт еді-ау бүрлеген.
«Саған көктем кім боп келді, кім?» - десе,
Шыныменен кім дер ем?!

Міне осылай құлазып жүр күз-көңіл.
(Жалғыздығын сонша сүйді-ау ізгі өмір...)
Көше бойын қарасаңыз дәл қазір,
Бір-бір өмір бір-бір бақыт іздеп жүр.

Бәлкім ертең өзгереді бәрі, аға,
Үнсіз келіп қаржауғанда қалаға.
...Бір үмітке сеніп едім бәрібір,
Ол да күздей күн де солып бара ма?!

Бәлкім ертең өзгереді бәрі,аға!...


Пікірлер (0)

Пікір қалдырыңыз

Жиі қойылатын сұрақтар

Біздің жақта күз ғой әлі өлеңінің авторы кім?

Ажар Ерболған — осы өлеңнің авторы.

Біздің жақта күз ғой әлі өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Біздің жақта күз ғой әлі өлеңі не туралы?

Бұл шығарма табиғат туралы өлең ретінде танымал. Өлеңде автор өз ойын көркем түрде жеткізеді.

Біздің жақта күз ғой әлі өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері