Өлең, жыр, ақындар

Көзқарас

  • admin
  • 08.02.2024
  • 0
  • 0
  • 566
Қыздарға қарайықшы қарындас деп,
Жадырап жүрейiкшi жаның жас боп.
Ойлайықшы перiште былай тұрсын,
Пенде де түзеу жолдан жаңылмас деп.
Жақсылықты жасайық күшпен дара,
Қарияға болайық iскер бала.
Салқындық деген сөздiң мағынасы,
Байланысты болсыншы қыспен ғана.
Iздейiкшi болсада қоныс қашық,
Түзейiк жүргендердi шалыс басып.
Қол жұмсау деген сөздi ұмытайық,
Жүрейiк керiсiнше қол ұстасып.
Жайқалып өспеу үшiн дар ағашы,
Iзеттiлiк бақшасын аралашы.
Пендешiлiк деген сөз болса екен,
Жақсылық деген сөздiң баламасы,
Неге адамдар өкпелеп кек алады?!
Түзейiк шама келсе шекараны.
Күнге "сәлем" берейiк күлiп тұрып,
Құшақтап тұрған кезде жер ананы.
Естi болсаң сөзiмдi "құп" аласың,
Тұрғызайық достықтың мұнарасын.
Нәпсiнiң омыртқасын сындырайық,
Бекiтейiк иманның бұғанасын



Пікірлер (0)

Пікір қалдырыңыз

Ақылсыздың ақылы

  • 0
  • 3

Осы тұлға емеспін, осы батыр.
Қиялиды жинаған қосына кіл.
Өзіме ақыл жетпей жүрген кезде.
Айтатын болып жүрмін досыма ақыл.

Толық

Саған келем

  • 0
  • 0

Қиналсаң да қасқайып тұр деп шыдам,
Шыңға шықсам тұрады гүлдеп шынар.
Көркіңді елден бұрын көру үшін,
Шығыстан шұғылалы күн боп шығам.

Толық

Қызды сыйла!

  • 0
  • 0

Ерте үй боп жасамасаң той көктемде
Досым арам ойлама бойжеткенге.
Сен даланың емессің аш қасқыры
Қыздар емес жайылған қой бөктерде.

Толық

Қарап көріңіз