Өлең, жыр, ақындар

Ана тілі немесе «Қай тiлдердi бiлесiз?» деген сұраққа жауап

  • admin
  • 06.03.2024
  • 0
  • 0
  • 621
Өнер дертi көтерiп ыстығымды,
Өлең жазып өткiздiм қысқы түндi.
Барлық тiлдi бiлем мен, Муза келсе,
Адам түгiл, түсiндi құс тiлiмдi.

Бұл сөзiме айтпассың дау, қарағым,
Бiр құдiрет барлығын баурағаным.
Барлық тiлдi бiлем мен,
Байронды яки
Петрарканы арнаған Лаураға әнiн,
Өз тiлiме қаласам, аударамын.

Жазғы гүлдей жырларым қаулар әлi,
Россияның сөйлетем тал-дарағын,
Құстың тiлiн аударса Россини,
Россинидiң әуенiн аударамын.

Аударамын жұлдыздар әңгiмесiн,
Аударамын жүрек пен жан күресiн.
Табиғаттың, өнердiң, музыканың
Баламасын табуда мәңгi үлесiм!

Бояуларын сөйлетем небiр күздiң
Тiлiн тауып, күшсiз-ақ темiрдi үздiм.
Түннiң тiлiн ұққандай түсiнемiн
Аппақ ойын қап-қара негр қыздың.

Кетпесiн деп ауаны түтiн бояп,
Жыр жазамын әр сөзiм үкiмдей-ақ.
Өнер тiлiн, гүл тiлiн түсiнемiн
Икебана мектебiн бiтiрмей-ақ.

Судың тiлiн түсiнем, тап-таза ақса,
Жыңғыл жырын түсiнем, отқа жақса.
Дүние тiлiн қабылдап жүрегiммен
Сөйлетемiн қайтадан тек қазақша!



Пікірлер (0)

Пікір қалдырыңыз

Шілтер

  • 0
  • 0

Сен кеткен соң басталған-ды басқаша ән,
Жүгіреді жылдар шашып шаңға шаң.
Жырларымды көп адамдар тыңдаған,
Ана, сен ғой естімедің ешқашан.

Толық

Тәуелді дүние

  • 0
  • 0

Көктемді сонша күткенде —
Құйылып көктен құт демде,
Аз ғана күнде, аз күнде
Өріктер гүлдеп біткен бе?!

Толық

Қалалар мен адамдар

  • 0
  • 0

Ой келеді жауған кезде жаңа қар,
Жаның қалай тебіренбей қала алар?
Соққан боран, жауған қарға қарамай,
Салады адам жаңа-жаңа қалалар.

Толық

Қарап көріңіз