Туған жерге бауырым,туыңды тік! – Асылзат Абдигаппар

Туған жерге бауырым, туыңды тік!
Елің үшін арқалап,маңызды жүк
Ұмытпа сен болашағы қазағымның,
Бірлік үшін тер төккен қанды күнін.

Бүгінгі бейбіт күнге жеткеніңе,
Шүкір етіп, қуан сен жүргеніңе
Бұл күнге жете алмай талай қазақ
Елінің топырағын аңсап өткен.

Қабанбай, Бөгенбайдың ұрпақтары,
Ерліктерін бағалар жұрнақтары
Ахмет, Абай, Міржақып тұлғалардың,
Үлгі етіп, ұмытпайық ерліктерін!

Елі үшін арқалаған ауыр жүкті,
Ежелден қазақ атам туын тікті.
Осындай елін сүйгіш, нар тұлғалы
Көбейсін қазағымның ұрпақтары!

Қанша қазақ мұңайып, аза тұтқан,
Бар қазақтың ауыртқан, жанын жұтқан
Бұл күндерді есте сақтап бауырым сен,
Туған жердің,бейбіт күннің қадірін біл!