Өлең, жыр, ақындар

Махамбетті қайта жерлеу рәсімінен кейінгі ой

  • admin
  • 19.04.2024
  • 0
  • 0
  • 392
Қатар өткен жастық шағы тай-құлын,
Бір заманның еркін кешкен айдынын.
Қалайша ұғып, түйсінбеген Ықылас,
Махамбеттің жырларының айбынын?

Кәрі Жайық ізін шайып қайғының,
Құлағанда алақанын жайды құм.
Алып-ұшқан жас болған-ды олар да,
Алаңдатпас атақ, мансап, байлығың!

Аңғал батыр сезбеген жол айрығын,
Опасыздың аңдап болсын қай қырын.
Алдап соғып, басын шапты қапыда,
Іздеген боп қайдағы бір айғырын.

Достары көп, емес еді қассыз да,
(Қарғыс атқыр көрді қайта ашқызды, ә?!)
Қалай ғана білмеді екен, әңгүдік,
Махамбеттің жырлайтынын бассыз да!



Пікірлер (0)

Пікір қалдырыңыз

Қаройдың қара жусаны

  • 0
  • 0

Қаройдың қара жусаны,
Қайғыдан қажып түнерген.
Махамбет қаны тамған жер,
Өзіңнен жастай сыр емгем.

Толық

Айналдым, сенің сағынғаныңнан

  • 0
  • 0

Айналдым, сенің сағынғаныңнан,
“Серігім, сені сағындым!” – депсің.
Айналдым жылап, жалынғаныңнан,
“Тәңірден тілеп, жалындым” – депсің.

Толық

Сұлулық

  • 0
  • 0

Нәп-нәзік гүлім менің,
Неге ерте назарыма ілікпедің?
Суып қалған, селт етпес жүрегімнің,
Осыншама туларын біліп пе едім?..

Толық

Қарап көріңіз