Өлең, жыр, ақындар

Күзгі сезім

  • admin
  • 19.04.2024
  • 0
  • 0
  • 441
Сары күз сені сағындым
Көңілімнің көшірмесі едің.
Ағымнан саған жарылдым,
Сен қалай кешірмес едің.
Сырласым ұзақ жылдарғы,
Келдің-ау тағы кешігіп.
Жапырақ біткен мұңдарды,
Өшіріп жатыр, өшіріп.
Тынымсыз сыбыр, асығыс,
Айтады басу тізбелеп.
Өрекпіп өзен тасығыш,
Өкіріп жатыр күзге кеп.
Сары күз салқам, сабырлы,
Құшақтап алып бар мұңды.
Тірлікке мынау қадірлі,
Пендені жалғыз қалдырды.
Жүрекке салмақ көп мүлде,
Көп менің татқан кермегім.
Тарығып, жапа шектім де,
Күз болып қалды ермегім.
Сары күз сені сағындым,
Көңілімнің көшірмесі едің.
Айтпасам ашып сырымды,
Өзімді кешірмес едім.
Өшірген ыза ошағын,
Қайтарған кектің салқынын.
Күзіме кеуде тосамын,
Жазғыра көрме, жарқыным…



Пікірлер (0)

Пікір қалдырыңыз

Жаным талай шырқырап

  • 0
  • 0

Жаным талай шырқырап,
Көңілім талай күйзелді.
Сүйегім талай сырқырап,
Найзаға жүйке түйрелді.

Толық

Мен өлеңді құмға жазып бастағам

  • 0
  • 0

Жылдар өтті... көп ғадетті тастағам,
Асуларым көп-ақ әлі аспаған.
Жан баласы жазбаған жыр жазсам деп,
Жастық емес, қағаз-қалам жастанам.

Толық

Саған ғана...

  • 0
  • 0

Атыңды айтсам, әлі күн тебіренем,
Ескерткішің қалдырған сенің -өлең.
Тағдыр шіркін жазбапты қосылуды,
Бірге ғұмыр кешуді сеніменен.

Толық

Қарап көріңіз