Досымның өлеңі – Ардақ Оспанұлы

Үйрендім мен ,таптым енді өзімді,
Шыңдалдым мен , на өмірдің әлегінен.
Уйреттім мен , қатайттым мен төзімді,
Досымның маған айтқан өлеңімен.

Ауыстырдым қуанышты ақылға
Төледім уақыт берген төлемімен
Үйрендім мен көнігуге мақұлға
Досымның маған айтқан өлеңімен

Қарамайды өмір сенің деңгейіңе
Өлшенеді көңіліңнің көлемімен
Шешім таптым өмірдің теңдеуіне
Досымның маған айтқан өлеңімен

Қуанамын сынбадым деп бір күні
Сол күннің келеріне сенемін мен
Бұл арманның келген маған төркіні
Досымның маған айтқан өлеңімен

Сол арманға ұмтылам талпынамын
Өмір берген жолменен келемін мен
Қарсыласпа толқынмен қалқы жаным Досымның маған айтқан өлеңімен

Жол көрсетті маған тағдыр бағыт беріп
Бағдарымнан қалмай соңынан еремін мен
Себепші маған қарай ағып келіп
Досымның маған айтқан өлеңімен