Өлең, жыр, ақындар

Қырансың сұрапылда жарқылдаған

  • admin
  • 31.07.2024
  • 0
  • 0
  • 499
(Бауыржан Момышұлына)

Қырансың сұрапылда жарқылдаған,
Дауылда найзағайсың бұлтты жарған.
Қаһарман қолды бастап,
Ойрандадың
Обырды Отаныңа бүлік салған.
Сел соқса шарқ ұрмай ма сай тастары,
Алдыңа алапат жау жай тастады.
Елестер жолбарыстай сұсты түсің,
Жұлқынған қиян-кескі шайқастағы.
Бірісің аты әйгілі қолбасшының,
Ірісің мұқалмаған алмас қырың,
Батырсың – айғайынан жау үріккен,
Ақынсың – жүлделіге жолдас бүгін.
Құрыш қол қан қырғында берген қайрат,
Қаламды содан кейін шықты қайрап.
Сүйсінем шежіреңе өзің жазған,
Өмірің кітабыңда тұрсын жайнап!



Пікірлер (0)

Пікір қалдырыңыз

Жыл келеді

  • 0
  • 0

Қағып аппақ қанатын жыл келеді,
Қарлы мамық қаусырған қыр белеңі.
Қаз бұлттарға кестелі тосты төсін,
Қыспен бірге құйындап жыр келеді.

Толық

Тым асығып келемін

  • 0
  • 0

Тым асығып келемін туған жерге,
Бір сағыныш лапылдап тұр кеудемде.
Жүрегімде махаббат жалындаған,
Жүргенімде көңілсіз өлкелерде.

Толық

Василиса Барабаш

  • 0
  • 0

Буалдыр түн, аспаны —
Жұлдыз бұлтқа аралас,
Қырға жорық бастады
Василиса Барабаш.

Толық

Қарап көріңіз