Өлең, жыр, ақындар

Жетісу мен Көкшедей

  • admin
  • 01.09.2024
  • 0
  • 0
  • 512
Тамсантқан алтын арай таңыменен,
Сүйсінткен жан баураған сәніменен.
Көкшетау Жетісумен жалғасып тұр.
Біржан Сал, ақын Сара әніменен.

Қайырмасы:
Жетісу мен Көкшедей,
Бөтен тілек көксемей.
Бабалардай бірлесіп,
Даналардай үндесіп,
Өтейікші қазағым,
От пен суды бір кешіп.

Балқаштың ғашық болып ақ түніне,
Іленің әуен қосып тәтті үніне.
Оралған Сексенкөлден аққу, қаздар,
Салады Үкілі Ыбырай «Гәккуіне».

Қайырмасы

Тойлы ауыл Сырымбеттің саласында,
Көз салсаң, оза тартқан қарасынға.
Құлагер шауып жүрген секілденер,
Көкше мен Жетісудың арасында.

Қайырмасы

Жаңғырса Ақан сері арман-әні,
Есінен бар қазақтың қалмағаны.
Ақындық Құлагері Ілиястың,
Тамаша елмен елді жалғағаны.

Қайырмасы



Пікірлер (0)

Пікір қалдырыңыз

Мәскеуде көрген қыздар-ай!

  • 0
  • 0

Қыз дегенде қызылшыл бой қызады,
Ұялшақтық әуресін жойғызады.
Бірге оқыған Мәскеуде,
Беу, қыздар-ай! - Кәкімбек Салықов

Толық

Жамбыл-ата

  • 0
  • 0

Жамбыл-ата сара сөз, асыл үнсің,
Әлемге әйгі өзің бір ғасырымсың Жамбылым.
Ел шетіне жау келсе Алатаудан,
Кәкімбек Салықов

Толық

Махаббат әні

  • 0
  • 0

Махаббат әні
Бұлбұл құс сайда сайрайды,
Махаббат әнін жалғайды.
Кәкімбек Салықов

Толық

Қарап көріңіз