Абайым – Кәкімбек Салықов

Салдың сөз сарайын,
Пайғамбар – пенде боп.
Екінші Абайым,
Әзірше елде жоқ.
Ойлы сөз сан алуан,
Айтылды қаншасы.
Ақын боп жаралған,
Сенсің ел патшасы.
Ерекше санасы,
Сенсің ел данасы.
Ғашықпен тілдесіп,
Сырлассаң мұң артып,
Жас ұрпақ бірлесіп,
Үндесті құмартып.
Туар – деп сендірген,
Махаббат Күн, Айы.
Өзіңсің мен білген,
Ақындық құдайы,
Ерекше санасы,
Сенсің ел данасы.
Шын сұлу, шын ғажап,
Асыл сөз еккенің.
Өтіпсің сен жасап,
Ақындық мектебін.
Көп зерлеп, кең айттың,
Ұлықтан жасқанбай,
Бәрін де сен айттың,
Біздерге дым қалмай.
Ерекше санасы,
Сенсің ел данасы.